غلاك راح

وجع حب وجع شعر وجع شوق وجع ضيقه
على وهاك اختار هذي سلة اوجاعي

غلا واسمع نزيف الجرح كلام الصمت ما اطيقه
انا محتاج اسولف لك عن اول وآخر اوضاعي

وابد لا يجرحك صوتي حياة الطير تحليقه
عليك الله يصير الكون والمسباق والداعي

انا اصدق طير بالدنيا عشق حتى مسابيقه
ولكني بديت اذكر معاك ايام مرباعي

تعال افتح كفوفك حلم واموت بيوم تحقيقه
تعال ارسم بحور الشعر وكسر لوتبي شراعي

تعبت افتش الدفتر واحس بحزن تطبيقه
دخيلك غمض عيوني وخل الشوق لاصباعي

ابي غيم سرق ربعي وذللهم بتشريقه
اكون أول بشر مجنون تزوره بالعطش قاعي